د عامې روغتیا وزیر ښاغلي قلندر عباد په خپل کاري دفتر کې د(UNCHR) مسئولینو سره ناسته ترسره کړه
د افغانستان اسلامي امارت د عامې روغتیا وزیر ښاغلي قلندر عباد په خپل کاري دفتر کې د کډوالو په چارو کې د ملګرو ملتونو نړيوالې ادارې (UNHCR) مسئولینو سره ناسته ترسره کړه.
په دې ناسته کې د کډوالو په چارو کې د ملګرو ملتونو نړیوالې ادارې استازی لیونارد زولو په مشرۍ ګډ پلاوي ګډون کړی و.
د عامې روغتیا وزیر ښاغلي قلندر عباد یاد پلاوي ته د ښه راغلاست وروسته وویل چې عامې روغتیا وزارت راستنیدونکو کډوالو ته د روغتیا برخه کې پوره چمتوالی لري او په دې برخه کې یې له یادې نړیوالې ادارې د همکارۍ غوښتنه وکړه.
د کډوالو په چارو کې د ملګرو ملتونو نړیوالې ادارې مسئولینو په یاده ناسته کې د راستنېدونکو کډوالو برخه کې د همکارۍ ډاډ ورکولو ترڅنګ ، راستنېدونکو کډوالو ته د روغتیایي پاملرنې او نویو روغتیایي مرکزونو ایجاد په اړه خبرې اترې وکړې.
د افغانستان عامې روغتیا وزیر ښاغلي قلندر عباد د راستنیدونکو کډوالو برخه کې د( UNHCR) له دوامداره همکارۍ مننه وکړه او د روغتیا برخه کې یې د نورو اسانتیاوو رامنځته کیدو غوښتنه وکړه
