د عامې روغتیا وزیر چین هېواد ته د سفر پرمهال په دې هېواد کې د افغانستان له سفیر سره لیدنه ترسره کړه
د افغانستان اسلامي امارت د عامې روغتیا وزیر ښاغلي، مولوي نور جلال جلالي چین هېواد ته د سفر پرمهال په دې هېواد کې د افغانستان له سفیر ښاغلي بلال کریمي سره لیدنه ترسره کړه.
په دې لیدنه کې عامې روغتیا وزارت سره د چین هېواد د همکاریو، ظرفیت لوړونې او د روغتیايي وضعیت د پیاوړتیا اړوند خبرې وشوې.
په چین کې د افغانستان سفیر ډاډ څرګند کړ چې د افغانستان روغتیايي برخې سره به د چین هېواد د مرستو جلب برخه کې خپلو هڅو ته دوام ورکوي.
