د عامې روغتیا وزیر په هلمند ولایت کې له روغتیايي مسؤولینو او روغتیاپالانو سره ناسته تر سره کړه
د ا.ا.ا. د عامې روغتیا وزیر، ښاغلي مولوي نور جلال جلالي هلمند ولایت ته د خپل سفر پر مهال په دې ولایت کې په روغتیايي خدماتو کې د شته ستونزو د حل ، د روغتیايي خدماتو د ارزونې او د روغتیايي خدماتو د پراختیا او ښه والي په موخه د دې ولایت له روغتیايي مسؤولینو او روغتیاپالانو سره ناسته تر سره کړه
په دې ناسته کې چې د هلمند ولایت والي مولوي عبدالرحمن مسلم او د عامې روغتیا رئیس مولوي شفیع الله هم شتون درلود روغتیايي مسؤولینو او روغتیاپالانو د هلمند ولایت د روغتیایي خدماتو او وضعیت اړوند مفصل معلومات وړاندې او په روغتیايي خدماتو کې شته ستونزې او وړاندیزونه یې شریک کړل
ښاغلي وزیر مولوي نورجلال جلالي د یادو ستونزو له اوریدو وروسته د مشکلاتو د حل ډاډ ورکړ او د خپلو خبرو په جریان کې یې مسؤولینو ته د لا زیاتو هڅو هدایت ورکړ تر څو په لا زیاتو هڅو سره د هلمند ولایت ولسونو ته غوره روغتیايي خدمات وړاندې شي.
