د عامې روغتیا وزیر د یو شمیر نړیوالو ادارو له استازو سره انلاین لیدنه تر سره کړه
د افغانستان اسلامي امارت د عامې روغتیا وزیر، ښاغلي مولوي نور جلال جلالي په خپل کاري دفتر کې د روغتیا نړیوال سازمان، یونیسیف، UNDP ، ګاوي ادارې، USAID او یو شمېر نورو نړیوالو ادارو له استازو سره انلاین لیدنه ترسره کړه
په دې لیدنه کې د افغانستان روغتیايي سیستم د پیاوړتیا، لرې پرتو سیمو کې د روغتیايي مرکزونو جوړېدو، په روغتیايي برخو کې د مرستو او دومدارې همکارۍ اړوند بحث و خبرې ترسره شوې
د عامې روغتیا وزیر، ښاغلي مولوي نور جلال جلالي د افغانستان د روغتیايي سیستم د پیاوړتیا او په لرې پرتو سیمو کې د روغتیايي مرکزونو جوړېدو برخه کې د روغتیا نړیوال سازمان او یادو ادارو مرسته اړینه وګڼله او له هغوۍ د دومداره همکاریو غوښتونکی شو.
له بل لوري د روغتیا نړیوال سازمان او یادو ادارو استازو د روغتیا په برخه کې د مرستو او دومداره همکاریو ډاډ څرګند کړ.
