د عامې روغتیا وزیر د نهرین ولسوالۍ روغتون له خدمتونو څخه له نږدې لیدنه ترسره کړه
د عامې روغتیا وزیر، ښاغلي ډاکټر قلندر عباد بغلان ولایت ته د خپل سفر په ترڅ کې د نهرین ولسوالۍ روغتون له خدمتونو څخه له نږدې لیدنه ترسره کړه
د عامې روغتیا وزیر، ښاغلي ډاکټر قلندر عباد او ورسره مل پلاوي بغلان ولایت ته د سفر په ترڅ کې د نهرین ولسوالۍ روغتون له بېلابېلو روغتیايي څانګو د لیدنې سربېره د ټولو هغه روغتیايي کارکوونکو څخه چې هېوادوالو ته په صادقانه ډول خدمت ترسره کوي مننه وکړه او روغتیايي کارکوونکي یې د ولس رېښتوني خدمتګاران وبلل.
ښاغلي وزیر همداراز د یاد روغتون کارکوونکو ته د هېوادوالو د ښه خدمت په موخه لازمې سپارښتنې ترسره کړې او له هغوی یې وغوښتل، چې د ناروغانو د معیاري درملنې په برخه کې بشپړه پاملرنه وکړي.
