د عامې روغتیا وزیر د بې پولې ډاکټرانو بنسټ له مشر سره لیدنه تر سره کړه
د افغانستان اسلامي امارت د عامې روغتیا وزیر ښاغلي، مولوي نور جلال جلالي په خپل کاري دفتر کې د افغانستان لپاره د بې پولې ډاکټرانو بنسټ له مشر میکایل لیپي سره لیدنه ترسره کړه.
په دې لیدنه کې چې د افغانستان لپاره د بې پولې ډاکټرانو مشر او استازو ګډون کړی و، په هېواد کې د بې پولې ډاکټرانو اړوند روغتیایي مرکزونو او روغتیايي خدمتونو ښه والي په اړه خبرې ترسره شوې.
د عامې روغتیا وزیر ښاغلي مولوي نورجلال جلالي د روغتیایي سکتور سره د یادې ټولنې د مرستو پر لا ډیره همغږي او پراختیا اړینه وګڼله او په دې برخه کې یې د یادې ټولنې کړنې وستایلې.
د بې سرحده ډاکټرانو مشر ښاغلي میکایل لیپي په افغانستان کې د روغتیايي خدمتونو د لاښه کېدو او دې برخې ته د لا نورې پراختیا ورکولو اړوند د وړاندې په څیر تعهد څرګند کړ او د خدماتو پر کیفیت او همغږۍ یې تاکید وکړ.
