د عامې روغتیا وزارت د نظارت رئیس کنړ ولایت کې د یو شمیر روغتونونو څخه نظارت تر سره کړ
د عامې روغتیا وزارت د نظارت رئیس، ډاکټر کریم الله حلیمي کونړ ولایت ته د سفر په ترڅ کې د یو شمېر دولتي او خصوصي روغتونونو نظارت ترسره کړ.
د یاد نظارت په ترڅ کې د روغتونونو مسؤلینو ته سپارښتنې وشوې، چې د عامې روغتیا وزارت د اصولو په پام کې نیولو سره هېوادوالو ته روغتیايي خدمات وړاندې کړي.
د عامې روغتیا وزارت د نظارت رئیس همداراز د کونړ ولایت د عامې روغتیا رئیس، قاري مظفر خان مخلص سره هم ولیدل او د یاد ولایت روغتیا په برخه کې یې پر لاسته راوړنو او شته ستونزو ته د حل په لار چارو بحث او خبرې ترسره کړې.
