د عامې روغتیا وزارت د مالي او اداري چارو مرستیال د تخار ولایتي روغتون څخه لیدنه وکړه
د عامې روغتیا وزارت د مالي او اداري چارو مرستیال، ښاغلي مولوي محمد اسحق صاحبزاده تخار ولایت ته د سفر په ترڅ کې د تخار ولایتي روغتون څخه لیدنه وکړه
د مالي او اداري چارو مرستیال په دې لیدنه کې د یاد روغتون دټولو روغتیايي څانګو څخه د لیدنې ترڅنګ د دغه روغتون د مسؤلینو او روغتیايي پرسونل وړاندیزونه او ستونزې واورېدې او د حل ډاډ یې ورکړ.
نوموړي همداراز د ولایتي روغتون له پرسونل وغوښتل، چې په پوره توان سره د خپلو ناروغو هېوادوالو ستونزو ته رسېدنه ترسره او غوره درملنه یې وکړي.
