د عامې روغتیا وزارت د روغتیايي پراختیا او پالیسۍ معینیت کې د اړوندو ریاستونو مسؤلینو سره د همغږۍ ناسته تر سره شوه
په دې ناسته کې د عامې روغتیا وزارت د روغتیایي پراختیا او پالیسۍ مرستیال، ښاغلي ډاکټر محمد حسن غیاثي، د معینیت مشاورینو او د اړوندو ریاستونو مسؤلینو شتون درلود، چې په کې د تېرو ناستو د پرېکړو، ترسره شویو فعالیتونو، لا زیاتې همغږۍ او د روغتیا سیسټم د ښه والي او پیاوړتیا په اړه بحث او خبرې ترسره شوې.
دغه راز، د اړوندو ریاستونو مسؤلینو خپل فعالیتونه، ستونزې او لاسته راوړنې له ښاغلي مرستیال سره شریکې کړې، چې د نوموړي له لوري ورته د پاملرنې او همکارۍ ډاډ ورکولو تر څنګ د چارو د ښه ترسراوي په اړه لازمې سپارښتنې هم وشوې.
