د عامې روغتیا وزارت د روغتیايي پراختیا او پالیسۍ مرستیال، ډاکټر محمد حسن غیاثي د دې وزارت له رئیسانو سره د ارشاد، حج او اوقاف وزارت سره د هوکړه لیک د وروستي کېدو په موخه لیدنه ترسره کړه
په دې لیدنه کې د روغتیايي پراختیا او پالیسۍ مرستیال د دې وزارت له رئیسانو څخه وغوښتل؛ تر څو دغه هوکړه لیک وروستی کړي او د عامې روغتیا وزارت او د ارشاد، حج او اوقاف وزارت مسؤلیتونه په کې مشخص کړي، چې د حج په پروسه کې د حجاجو لپاره کومې اسانتیاوې او خدمتونه اړینې وي ترسره شي.
