د عامې روغتیا وزارت د رهبرۍ مجلس تر سره شو
د افغانستان اسلامي امارت د عامې روغتیا وزیر ښاغلي مولوي نور جلال جلالي د عامې روغتیا وزارت له رئیسانو سره د روغتیايي سیستم د پرمختګ ،له نړیوالو مؤسساتو سره پر مؤثرو روابطو ، د روغتیا په برخه کې د موازي پروژو پر کیفیت او مؤثریت او په روغتیايي سیستم کې د شته ستونزو په نښه کولو او د حل لارو موندلو په موخه مجلس تر سره کړ .
په دې مجلس کې چې د خوړو او درملو معین ښاغلي مولوي حمدالله زاهد هم شتون درلود د خصوصي سکتور له لوري د وړاندې کیدونکو خدماتو پر ارزونې او څارنې هم خبرې تر سره شوې چې په توسط به یې له خصوصي سکتور نظارت لا پیاوړی او د کیفیت په برخه کې به مؤثریت ولري.
