د روږدو د درملنې ملي برنامې رئیس د UNODC سازمان له استازي سره وکتل
د عامې روغتیا وزارت د روږدو د درملنې ملي برنامې رئیس، مولوي حافظ انعام الله عمار د افغانستان لپاره د UNODC سازمان له استازي سره د روږدو په برخه د یاد سازمان له لوري د ترسره شوې سروې په موخه لیدنه ترسره کړه.
په دې لیدنه کې د روږدو ناروغانو لپاره د اسانتیاوو برابرېدو سربېره په افغانستان کې د روږدو کسانو د سروې اړوند بحث او خبرې ترسره شوې.
د UNODC سازمان د استازي له لوري د روږدو د درملنې ملې برنامې رئیس، حافظ انعام الله عمار ته په ۲۰۲۲ زېږدیز کال کې په افغانستان کې د یاد سازمان له لورې په نشه یې توکو د روږدو کسانو برخه کې د ترسره شوې سروې اړوند معلومات ورکړل شول، چې نوموړي د یاد سازمان غوښتنه وکړه، چې په افغانستان کې په نشه یې توکو د روږدو کسانو په برخه کې دې یوه نوې او هر اړخیزه سروې ترسره کړي؛ څو له مخې یې په هېواد کې په بېلا بېل ډوله نشه یې توکو د اخته کسانو کره شمېر معلوم او د مخنیوي په برخه کې یې لا زیات کار ترسره شي.
