د روغتیایي خدمتونو وړاندې کولو مرستیال د روغتیا د برخې د ځینو ادارو له استازو سره ولیدل
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني په خپل کاري دفتر کې د روغتیا نړیوال سازمان، یونیسیف ادارې، ملګرو ملتونو د وګړو صندوق او جک تطبیق کوونکې مؤسسې له استازو سره د پروان ولایت غوربند ولسوالۍ په کفشان سیمه کې د حاد اسهال پېښو ته د رسېدنې او مخنیوي په موخه لیدنه ترسره کړه.
په دې لیدنه کې دواړو لورو د پروان ولایت غوربند ولسوالۍ په کفشان سیمه کې د حاد اسهال پېښو ته د رسېدنې او مخنیوي اړوند، د ادارو تر منځ په غوره همغږۍ او چمتووالي خبرې ترسره کړې، چې د نړیوالو همکارانو له لوري په دې برخه کې د عامې روغتیا وزارت رهبرۍ ته د بشپړې همکارۍ ډاډ ورکړل شو.
