د روغتیايي پراختیا او پالیسۍ مرستیال د سره صلیب کمېټې له غړي سره وکتل
د عامې روغتیا وزارت د روغتیايي پراختیا او پالیسۍ مرستیال، ښاغلي ډاکټر محمد حسن غیاثي په خپل کاري دفتر کې د سره صلیب کمېټې له غړي، ډاکټر عبدالفتاح لبیب سره لیدنه ترسره کړه
په دې لیدنه کې ډاکټر عبدالفتاح لبیب په قلعه زمان خان سیمه کې خپله یو نمره ځمکه، چې ۵ بسوې مساحت لري د عامې روغتیا وزارت ته په وړیا ډول وسپارله؛ ترڅو له هغې څخه د یو روغتیايي مرکز په جوړولو کې ګټه واخلي او هېوادوالو ته په کې روغتیایي خدمتونه وړاندې کړي.
د عامې روغتیا وزارت د روغتیايي پراختیا او پالیسۍ مرستیال، ښاغلي ډاکتر محمد حسن غیاثي د افغانستان د اوسېدونکو او عامې روغتیا وزارت په استازيتوب د ډاکټر عبدالفتاح لبیب د دې نېک ګام پورته کولو مننه او قدردانی وکړ او د الله تعالی څخه ورته د لا توفیق او هېوادوالو ته د خدمت په برخه کې د بریاوو غوښتونکی شو.
