د روغتیايي معلوماتو سیسټم لپاره د واحد ټارګیټ جوړولو اړوند دوهمه ناسته ترسره شوه

یاده ناسته د عامې روغتیا وزارت څارنې او پلټنې لوی رئیس، ډاکټر عنایت الله عنایت په مشرۍ د روغتیا معلوماتي سیسټم (HMIS) تخنیکي ټیم او (WHO, UNFPA, Global Fund, UNDP UNICEF,) ادارو له استازو سره ترسره شوه، چې په کې د روغتیايي معلوماتو سیسټم د همکارانو له لوري د هېواد روغتیايي مرکزونو لپاره د واحد ټارګیټ جوړولو په موخه د تېرو کړنو پر اساس ټول میکانیزمونه د غونډې ګډونوالو ته وړاندې شول.

یاد میکانیزمونه د ګډونوالو له لوري ومنل شو او پرېکړه وشوه، چې د روغتیايي معلوماتو سیسټم د تخنیکي ټیم له لوري دې د دوو اونیو په ترڅ کې د هېواد ټولو ولایتونو روغتیايي مرکزونو ته واحد ټارګیټونه وټاکل شي او د نهایي کولو په موخه دې راتلونکي ناسته کې شریک شي.

همداراز، پرېکړه وشوه چې د HER پروژې روغتیايي خدمتونو د کیفیت لوړولو لپاره به هم نوي ټارګیټونه اضافه کېږي.