د روغتیايي خدمتونو وړاندې کولو مرستیال پروان ولایت کې د جک تطبیق کوونکې مؤسسې مسئولینو سره ناسته ترسره کړه
د افغانستان اسلامي امارت د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني او ورسره مل پلاوي پروان ولایت ته د خپل رسمي سفر پرمهال دې ولایت کې د جک تطبیق کوونکې مؤسسې مسئولینو سره ناسته ترسره کړه
په دې ناسته کې د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني د تطبیق کوونکې مؤسسې مسئولینو ته سپارښتنې وکړې، چې ژر تر ژره شته ستونزو ته رسېدنه ترسره او د روغتیايي خدمتونو بهیر کې اسانتیاوې رامنځته کړي.
ښاغلي مرستیال دغه راز یاد ولایت کې د (JACK) تطبیق کوونکې مؤسسې مسئولینو څخه په جدي توګه غوښتنه وکړه، چې ورسپارل شوي مسئولیتونه په سمه توګه ترسره، په چارو کې روڼتیا رامنځته او د درملو، طبي وسایلو او ژمنیو توکو په چمتو کولو کې عامې روغتیا وزارت سره د شوې تفاهمنامې په اساس خپلې چارې مخ ته یوسې.
بل لور د جک تطبیق کوونکې مؤسسې مسئولینو په یاده ناسته کې د خپلو فعالیتونو او لاسته راوړنو شریکولو سربېره د شته ستونزو د ژر حل ډاډ ورکړ.
