د داوطلبۍ خبرتیا!

د عامې روغتیا وزارت د استقلال ملي او تخصصي روغتون ریاست ټولو په شرایط برابرو داوطلبانو ته بلنه ورکوي؛ څو د طبي اکسیجن ګاز د تدارک پروژې داوطلبۍ پروسه کې، چې ریفرنس شمېره یې (MOPH/EH/NCB/1405/G01) ده، ګډون وکړي او د شرطپاڼې سافټ کاپي د یاد ریاست د تدارکاتو مدیریت څخه په فلش ډیسک کې ترلاسه کړي او خپل وړاندیزونه (افرونه) دې د شرطپاڼې له مندرجو شرایطو، د عقودو قانون او د عامې روغتیا وزارت د لنډ مهاله اجرایي پړاوونو سره سم، په سرتړلي ډول د اعلان خپرېدو له نېټې څخه له غرمې مخکې (10:00) د (سه شنبه) ورځ، چې (12/12/1404) نېټې سره برابره ده، د استقلال ملي او تخصصي روغتون ته، چې په (شپږمه ناحیه، علاوالدین درې لارې) کې موقعیت لري، وسپاري.

یادونه: ناوخته رسېدلي او انټرنېټي آفرونه د منلو وړ نه دي.