د خوړو او درملو معینیت پنځه دیرش تنو کارکوونکو ته د ظرفیت لوړونې په موخه پنځه ورځنی ټرینینګ ورکړل شو
د عامې روغتیا وزارت د خوړو او درملو معینیت پنځه دیرش تنو کارکوونکو ته د ظرفیت لوړونې په موخه د درملو، نباتي یا ګیاهي محصولاتو، طبي تجهیزاتو، روغتیايي محصولاتو او واکسینو دوسیو ارزونې پنځه ورځنی ټرینینګ ورکړل شو.
د درملو او روغتیايي محصولاتو د تنظیم لوی رئیس، الحافظ ډاکتر نعیم الله ایوبي یاد ټرینینګ د وطني محصولاتو پیاوړتیا لپاره اړین وباله او له ګډونوالو یې غوښتنه وکړه، چې زده شوي تدریسي میتودونه په خپلو چارو کې عملي او همکارانو سره یې شریک کړي.
ګډونوالو د یاد ټرینینګ په ترسره کېدو خوښي وښوده او د ورته نورو ټرینینګونو د جوړېدو غوښتنې سربېره یې ژمنه وکړه چې زده شوي میتودونو ته به خپلو ورځنیو چارو کې عملي کوي.
