د افغانستان اسلامي امارت د عامې روغتیا وزیر ښاغلي، مولوي نور جلال جلالي او ورسره مل پلاوي کندز ولایت ته د خپل سفر پر مهال د دې ولایت له والي ښاغلي ملا محمد خان دعوت سره ناسته ترسره کړه
په دې ناسته کې چې د عامې روغتیا وزارت د مقام د دفتر لوی رئیس شیخ محمد طاهر حلیم ، د کندز ولایت د عامې روغتیا رئیس ډاکټر محمد اللّٰه حکمت او مل پلاوي شتون درلود ، په کندز ولایت کې د نویو روغتونونو جوړولو، د خلکو روغتیایي ستونزو ته د رسیدنې او د ولسونو لپاره د لا ښو خدماتو برابرولو اړوند خبرې تر سره شوې.
په یاده ناسته کې د عامې روغتیا وزیر ښاغلي، مولوي نور جلال جلالي کندز ولایت ته د خپل سفر موخه (چې په یاد ولایت کې د روغتیایي خدمتونو ارزول دي ) شریکه او د خپلو خبرو په ترڅ کې یې وویل ، امکاناتو ته په لیدو سره به یادو شویو غوښتنو ته رسېدګي وکړي ، ښاغلي وزیر همدارنګه یادونه وکړه ، کوښښ کوي چې روغتیایي سیستم لا نور فعال او د خلکو خدماتو ته لاسرسی زیات کړي.
