د ااا د عامې روغتیا وزارت په هڅو په هیواد کې د سرطان د درملنې لمړنی دوه سوه بستریز روغتون به په نږدې کې په کابل کې په خدماتو پیل وکړي
د عامې روغتیا وزارت د وړاندیز او د ااا د مهربانې رهبرۍ له لوري د سرطان دوه سوه بستریز روغتون لپاره د تعمیر د ورکړې او منظورۍ وروسته د یاد روغتون د فعالیدو او خدماتو پیلیدو چارې په سرعت سره جریان لري ، د یادو چارو له نږدې څخه د لیدنې او ښه ترسراوي په موخه د افغانستان اسلامي امارت د عامې روغتیا وزیر ښاغلي مولوي نور جلال جلالي له مل پلاوي سره د یاد روغتون څخه له نږدې لیدنه تر سره کړه.
ښاغلي وزیر د روغتون له بیلا بیلو برخو لیدنه تر سره او د اړتیاوو اړوند یې له مسؤولینو سره ځانګړی مجلس تر سره کړ ، ښاغلي وزیر د سرطان ناروغان زیات ځوریدلي او اړمن خلک وبلل، او په وینا یې د دوۍ لپاره به د عامې روغتیا وزارت ځانګړې پاملرنه تر سره کوي ، ښاغلي وزیر د خپلې وینا په جریان کې مسؤولین وهڅول تر څو هر څه ژر د روغتون د خدماتو د پیلیدو لپاره هڅې تر سره او د هیوادوالو لپاره په دې برخه کې روغتیايي اسانتیاوې را منځته کړي.
د یادونې وړ ده یاد روغتون به په درې مرحلو کې خپل خدمات پیلوي چې لمړنۍ مرحله یې تر سره شوې او په دوه نورو مرحلو کې د سرطان ناروغانو لپاره د بیلا بیلو عصري تجهیزاتو تر لاسه کول او فعالول دي ، همدارنګه د روغتیايي خدماتو د لا ښه کیفیت په موخه به روغتیايي کارکوونکو ته د ارتقاء ظرفیت ځانګړې برنامې برابریږي.
