د ا.ا.ا. د عامې روغتیا وزارت تخنیکي نظارتي ټیم کندهار ته د رسمي سفر پر مهال د میرویس سیمه ییز او عینو مېنې ۳۵۰ بستریز ولایتي روغتونونو څخه لیدنې ترسره کړې
په دغو لیدنو کې د نظارتي ټیم مسؤلینو د یادو روغتونونو د بېلا بېلو څانګو ناروغانو احوال واخیست، د هغوی د روغتیا هیله یې څرګنده او روغتیا پالانو ته یې د غوره روغتیايي خدمتونو وړاندې کولو اړوند لازمې سپارښتنې وکړې.
د نظارتي ټیم مسؤلینو همداراز د یادو روغتونونو شته ستونزې یادښت او اړوندو مسؤلینو ته یې د بشپړ حل ډاډ ورکړ؛ ترڅو د وزارت په کچه په یاده برخه کار ترسره او موجوده ستونزې حل شي.
