په بامیان، فراه، بادغیس او کونړ ولایتونو کې د کانګو ناروغۍ خپرېدو مخنیوي په موخه د وقایې او عامه پوهاوي کمپاین پیل شو
دغه کمپاین د روغتیايي ټیمونو او اړوندو کارکوونکو په همکارۍ پیل شوی، چې ترڅ کې يې قصابانو، مالدارانو او نورو عامو هېوادوالو ته د کانګو ناروغۍ د خطرونو، لېږد لارو او مخنیوي په اړه عامه پوهاوی ورکړل شو او همدارنګه، د څارويو د حلالې پر مهال د دستکشو، ماسک او محافظتي جامو پر کارولو، په اوبو او صابون د لاسونو مینځلو، د حیواناتو د ساتنې ځایونو په دواپاشۍ او د حیواني کنو پر له منځه وړلو ټینګار وشو.
د يادو ولایتونو د عامې روغتیا مسؤلین له هېوادوالو غواړي، چې د دې ناروغۍ د خپرېدو مخنیوي لپاره روغتیايي سپارښتنې مراعات او له روغتیايي ادارو سره همکاري وکړي.
