د عامې روغتیا وزارت یو شمېر مرکزي رئیسانو د چین هېواد له استازو سره د روغتیایي همکاریو پیاوړتیا په موخه ناسته ترسره کړه
دا ناسته چې په عامې روغتیا وزارت کې تر سره شوه، چین هېواد ته د عامې روغتیا وزیر، ښاغلي مولوي نور جلال جلالي او مل تخنیکي ټیم د ترسره شوي سفر پر مهال په یادو شویو موضوعاتو بحث او خبرې ترسره شوې.
په یادو موضوعاتو کې د دودیز یا سنتي طب برخه کې د علمي ظرفیتونو د لوړولو زمینه برابرول، د الهي پېښو مدیریت، د روغتیايي کارکوونکو ظرفیت لوړونه، د دودیز طب د مرکز جوړول، د ساري ناروغیو د څارنې او مخنیوي برخه کې د افغان متخصصینو د ظرفیت لوړونې لپاره افغانستان ته د چینایي متخصصینو رابلل او د هغو موضوعاتو رسمي تعقیبول شامل وو، چې د چین د روغتیا کمیسیون له مرستیال سره پرې بحث شوی و.
سربېره پر دې افغان لوري وویل، هغه موضوعات چې په چین کې مطرح شوي، د افغانستان.ا.ا د سفارت له لارې به په بیجینګ کې له اړوندو ادارو سره شریک او تعقیب شي او هیله یې وښوده چې د تیرو مجالسو په تعقیب په ترتیب سره شوې ژمنې عملي شي.
