د ا.ا.ا د عامې روغتیا وزارت د روغتیایي خدماتو وړاندې کولو مرستیال، ښاغلي مولوي عبدالولي حقاني د کیور روغتون څخه د اکمال تخصص تر چتر لاندې د متخصصینو فراغت غونډه کې ګډون وکړ
په همدې موخه جوړو شویو مراسمو کې چې د عامې روغتیا وزارت يو شمېر مرکزي رئیسانو، د تخصصي او ثالثي روغتونونو مسؤلينو او روغتيايي کارکوونکو ګډون کړی و، د عامې روغتیا وزارت د روغتیایي خدماتو وړاندې کولو مرستیال ښاغلي مولوي عبدالولي حقاني د خپلې وینا پر مهال وویل، د عامې روغتیا وزارت هڅه کوي، چې د روغتیایي خدمتونو کیفیت لوړ او ورته د خلکو لاسرسی اسانه شي او په دې برخه کې به د ډاکټرانو د ظرفیت لوړونې پروګرامونو ته دوام ورکړي.
د مجلس په جریان کې فارغ شویو متخصصینو ته د فراغت تصدیق پاڼې ورکړل شوې او د روغتیا په برخه کې ټولنې ته ترې په پوره اخلاص د خدمت ژمنې واخیستل شوې.
