د عامې روغتیا وزارت پلاوي د کونړ ولایت زلزلهځپلو سیمو کې د تغذیې بېړنیو خدماتو ارزونه وکړه
د عامې روغتیا وزارت د عامه تغذیې رئیس، ډاکټر حکمت الله معصومي په مشرۍ د تغذیې د بېړنیو حالاتو مسؤل، ډاکتر ذبیح الله شمس او مل پلاوي د وزارت په لارښوونه د کونړ ولایت په زلزله ځپلو سیمو او ایجاد شویو روغتیایي کمپونو او مرکزونو کې د تغذیې بېړنیو خدماتو څخه لیدنه ترسره کړه
د دې لیدنې موخه د هېواد په روغتیایي مرکزونو کې د تغذیې خدماتو کیفیت لوړل او هېوادوالو ته په معیاري توګه د تغذیې خدماتو وړاندې کول دي، چې ترڅ کې یې د عامه تغذیې رئیس په لیدل شویو روغتیايي مرکزونو کې د تغذیې خدماتو د پیاوړتیا لپاره د تطبیق کوونکو مؤسسو فعالیتونه وستایل او اړوندو مسؤلینو ته یې د لا ښه خدماتو سپارښتنه وکړه.
د یادونې وړ ده، چې کونړ ولایت کې د زلزله ځپلو لپاره د عامه تغذیې ریاست له لوري په لومړي ځل د هغو ماشومانو لپاره چې عمرونه یې له شپږ میاشتو څخه کم وي او میندې یې له لاسه ورکړي وي، RUIF شیدې توضیع شوي دي او د BSFP پروګرام له لارې د تغذیې موادو ویش په منظم ډول لا هم دوام لري.
