د بلخ ولایت سوختګي جراحي روغتون کې د لابراتوار نوې څانګه پرانیستل شوه
د بلخ د عامې روغتیا ریاست مسؤلینو د دې ولایت د سوختګي جراحي روغتون، ۵۰ بستریز سرطاني روغتون او د هموډیالیز څانګې لپاره یو نوی لابراتوار پرانیست او ګټې اخیستنې ته وسپارل شو.
د یاد لابراتوار پرانیستې مراسمو کې د بلخ حوزوي روغتون امر ډاکټر اشرف روان، د سوختګي جراحي روغتون امر ډاکټر فرید سراجي او د بېلابېلو برخو یو شمېر مسؤلینو ګډون درلود.
یاد لابراتوار چې سوختګي جراحي روغتون کې فعال شو، نه یوازې د دې روغتون د ناروغانو په درملنه کې، بلکې د سرطاني روغتون او د هموډیالیز څانګې د ناروغانو درملنه کې به هم ځانګړی رول ادا کړي.
