د هلمند عامې روغتیا ریاست سره د ١٧١٦٥٠٠ افغانیو په ارزښت د ۱۰ پایو انکیوبیټرونو (incubators) مرسته وشوه
یاده مرسته د فاطمه خیریه بنسټ له لوري شوې، چې د هغو نويو زېږېدلو ماشومانو د روغتیا خونديتوب لپاره به ورڅخه لازمه ګټه اخیستل کېږي، چې له کمزورۍ سره مخ وي او یا تر وخت مخکې زېږېدلي وي؛ ترڅو د نویو زېږېدلو ماشومانو د مړینې کچه راکمه او د هغوی د ژوند ژغورنې فرصتونه ډېر شي.
د هلمند د عامې روغتیا رئیس، مولوي فضلي احمد شفیع الله د یادې مرستې له امله د فاطمه خیریه بنسټ له مسؤلینو څخه مننه وکړه او ویې ویل، چې دغه انکیوبیټرونه به ډېر ژر اړوندو روغتیایي مرکزونو ته ووېشل شي.
