د عامې روغتیا وزارت د نظارت رئیس، ډاکټر کریم الله حلیمي بلخ ولایت ته د سفر په ترڅ کې د یو شمېر دولتي او خصوصي روغتونونو څخه نظارت ترسره کړ
یاد نظارت چې موخه یې د هېواد په دولتي او خصوصي روغتونونو کې د روغتیایي خدمتونو کیفیت لوړل، هېوادوالو ته په معیاري توګه د روغتیايي خدمتونو وړاندې کول او چارو کې شفافیت دی، په ترڅ کې یې ډاکټر کریم الله حلیمي او مل تخنیکي ټیم د بلخ د عامې روغتیا له رئیس، الحاج رحمت الله منصور سره ناسته ترسره، د سفر موخه یې ورسره شریکه او د جوړ شوي پلان سره سم یې د یاد ولایت د زاری، شولګره، دهدادي، دولت آباد، چارکنت، کشنده، کلدار او نهر شاهي ولسوالیو له یو شمېر دولتي او خصوصي روغتیايي مرکزونو له ټولو برخو څخه لیدنه وکړه، ستونزې او نیمګړتیاوې یې په نښه او د حل په موخه له اړوندو مسؤلینو سره شریکې شوې
د نظارت رئیس دغه راز، د بستر ناورغانو احوال واخیست او روغتیايي کارکوونکو ته یې سپارښتنې وکړې، چې ناروغانو سره د ښه چلند سربېره د هغوی ستونزو ته د رسېدنې او درملنې برخو کې لا زیاتې هڅې وکړي.
