فاریاب کې د روغتیایي خدمتونو ښه والي په موخه د یو شمېر خصوصي روغتونونو له رييسانو سره ناسته ترسره شوه
یاده ناسته د عامې روغتیا وزارت څارنې او پلټنې رييس، ډاکټر کریم الله حلیمي له لوري فاریاب ولایت ته د سفر په ترڅ کې د SAF تطبیق کوونکې مؤسسې، حنظله غورځنګ، امان د سترګو درملنې او راضیه وردګ روغتونونو له رییسانو سره ترسره شوه، چې د یاد ولایت اوسېدونکو ته د معیاري روغتیايي خدمتونو وړاندې کولو په موخه په کې د لازمو لارو چارو اړوند پرېکړې وشوې.
د څارنې او پلټڼې رییس دغه راز، په یاد ولایت کې د SAF تطبیق کوونکې مؤسسې مسؤلینو ته سپارښتنې وکړې، چې سپارل شویو مسؤلیتونو ته په سمه توګه رسېدنه ترسره او د ستونزو د حل برخه کې لازم اقدامات ترسره کړي.
