د عامې روغتیا وزیر د افغانستان لپاره د یونیسیف سازمان مشر سره وکتل
د افغانستان اسلامي امارت د عامې روغتیا وزیر ښاغلي مولوي نور جلال جلالي د افغانستان لپاره د یونیسیف سازمان مشر ښاغلي ډاکټر تاج الدین اویلا او مل پلاوي سره د روغتیايي سیستم پر وضعیت او د وړاندې کیدونکو خدماتو پر څرنګوالي لیدنه تر سره کړه
په دې مجلس کې چې د یونیسیف سازمان د بیلا بیلو برخو مسؤولینو شتون درلود د وړاندې کیدونکو خدماتو اړوند یې مفصل معلومات وړاندې کړل ، او ډاډ یې څرګند کړ چې د روغتیايي خدماتو د لا ښه والي لپاره به د عامې روغتیا وزارت سره په همغږۍ لا زیاتې هڅې تر سره کړي.
د عامې روغتیا وزیر ښاغلي مولوي نور جلال جلالي د ولسونو لپاره د معیاري روغتیايي خدماتو پر وړاندې کولو ټینګار وکړ او د خپلې وینا په ترڅ کې یې د روغتیايي مراکزو د ښه تمویل او تجهیز اړوند لازمې سپارښتنې تر سره کړې.
