د عامې روغتیا وزیر، ښاغلي مولوي نور جلال جلالي د عامې روغتیا وزارت د اکمال تخصص عمومي ریاست له مسؤلینو سره ناسته ترسره کړه
په دې ناسته کې چې د عامې روغتیا وزارت د مالي او اداري چارو مرستیال، ښاغلي مولوي محمد اسحق صاحبزاده هم شتون درلود د تخصصي برنامو په معیاري کولو او په یادو برنامو کې د شته ستونزو د حل اړوند بحث او خبرې ترسره شوې.
د اکمال تخصص ریاست مسؤلینو د یو پریزینټېشن په ترڅ کې د تخصصي برنامو سیستم تشریح او د ستونزو د حل غوښتونکي شول.
د عامې روغتیا وزیر، ښاغلي مولوي نور جلال جلالي د اکمال تخصص عمومي ریاست د مسؤلینو ستونزې واورېدې او د حل سربېره یې د یاد سیستم د لا پیاوړي کېدو او معیاري تخصص لپاره د زمینه سازۍ ډاډ ورکړ.
