په بغلان ولایت کې د شنو نیالګیو د ايښودلو کمپاین
د بغلان ولایت د عامې روغتیا مسؤلینو د شنو نيالګيو اېښودلو په کمپاين کې چې د عامې روغتیا وزارت د مشرتابه له لوري د ''يو روغتيايي کارکوونکی يو ونه'' تر شعار لاندې پيل شوی و، ونډه واخیسته او د بغلان ولایتي روغتون کې یې په ګڼ شمېر تولیدي او غیر تولیدي نیالګي کښېنول.
د یاد ریاست مسؤلینو له ټولو هېوادوالو او په ځانګړي توګه له روغتیايي کارکوونکو وغوښتل؛ تر څو په یاد کمپاین کې ونډه واخلي او د یو یو نیالګي د کښېنولو په مرسته خپل چاپېریال پاک او د ناروغیو د خپرېدو مخنیوی وکړي.
