د عامې روغتیا وزارت مالي او اداري مرستیال له ملالۍ زیږنتون څخه ليدنه وکړه
چهارشنبه، ثور ۲۸/ ۱۴۰۱
د عامې روغتیا وزارت د مالي او اداري مرستیال مولوي محمد اسحق صاحبزاده او ورسره مل پلاوي له ملالۍ روغتون څخه لیدنه وکړه.
په دې کتنه کې د مالي او اداري مرستيال د روغتون له بېلابېلو برخو څخه لیدنه وکړه او له روغتیايي کارکوونکو څخه یې وغوښتل چې د اړو کسانو د روغتیايي وضعیت په پام کې نیولو سره لا زیاتې هڅې وکړي.
د ملالۍ روغتون د روغتيايي کارکوونکو د وضعيت په پام کې نيولو سره د عامې روغتيا وزارت له مشرتابه سره د همکارۍ ژمنه وکړه او خپلې ستونزې يې هم د مالي او ادري له مرستيال سره شريکې کړې، چې په اړه يې لازمې لارښوونې وشوې.
