د بلخ ولایت سیمه ییز روغتون کې د لومړي ځل لپاره د لیپراسکوپي تجهیزاتو په مټ بېلا بېل جراحي عملیاتونه په بریالیتوب سره ترسره شول
د بلخ سيمه ييز روغتون د جراحي متخصص ډاکټر شمسالرحمن تڼي او ملګرو یې په تېره یوه اوونۍ کې دغه روغتون کې شاوخوا ۷۰ لیزري/لیپراسکوپي جراحي عملیاتونه په بریالیتوب سره ترسره کړي دي، چې په کې بېلا بیل نوعه عملياتونه شامل دي.
د جراحي متخصص، ډاکټر شمسالرحمن تڼي وویل: لیزري/لیپراسکوپي جراحي عملیات د درملنې موده، د درملنې لګښتونه او د ناروغانو د بستر موده راکموي او ناروغانو ته زمینه برابروي چې په لنډ وخت کې خپل عادي ژوند ته ستانه شي.
تر دې وړاندې، دغه ډول جراحي عملیات په پرانیستې طریقه ترسره کېدل، چې د ناروغانو د درملنې او رغېدو موده یې اوږدوله.
