پکتیا کې د پنځه میلیونه ډالرو په ارزښت د ۱۵۰ بستریز روغتون د جوړېدو بنسټ ډبره کېښودل شوه
په همدې موخه جوړو شویو مراسمو کې د پکتیا والي ملا مهرالله حماد، د کورنیو چارو وزارت استازو، دیني عالمانو، ځایي مسئولینو، قومي مشرانو او د مؤسسو استازو ګډون کړی و.
د پکتیا عامې روغتیا رییس، ډاکټر معراج ګل عادل وویل: " د دغه روغتون ودانۍ په معیاري توګه د متحده عربي اماراتو په مالي همکارۍ په څلور پوړیز ډول جوړېږي، چې عصري تشخیصیه اسانتیاوې به هم ولري".
نوموړي دغه راز زیاته کړه، د یاد روغتون په جوړېدو سره به د دغه ولایت اوسېدونکي اړ نه وي چې د خپلې درملنې په موخه مرکز او نورو ځایونو ته لاړ شي.
