پروان ولایت کې د روغتیایي مرکزونو واکسیناتورانو ته موټرسايکلونه ووېشل شول
پروان ولایت کې د روغتیایي مرکزونو واکسیناتورانو ته ۲۶ موټرسایکلونه ووېشل شول
دغه موټرسایکلونه د یونیسف ادارې په مالي ملاتړ د عامې روغتیا ریاست او اړوندو ادارو د مسؤلینو په شتون کې د بېړنیو روغتیایي خدماتو پروژې له لارې د یاد ولایت د مرکز په شمول د نهه ولسوالیو روغتیایي مرکزونو واکسیناتورانو ته ووېشل شول.
د یادونې وړ ده، چې د دې موټرسایکلونو وېش به د روغتیایي خدماتو په وړاندې کولو، په ځانګړي ډول د واکسیناسیون په تطبیق او لرې پرتو سیمو ته د خدماتو په رسونه کې اسانتیاوې رامنځته کړي.
