سمنګان، کنړ، پکتیا او هرات ولایتونو کې له یو شمېر روغتیایي کتنځایونو، درملتونونو او د خوراکي توکو پلورنځیو څخه نظارت ترسره شو

دغه نظارت د یادو ولایتونو د عامې روغتیا ریاستونو د څارنې او پلټنې امریتونو له لوري ترسره شو، چې پایله کې یې سمنګان ولایت کې ۲۲۵ قلمه له نېټې تېر او بې کیفیته درمل راټول او یو روغتیایي کتنځای د غیر مسلکي کسانو د فعالیت له امله، کنړ ولایت کې ۱۱ درملتونونه له روغتیایي قوانینو څخه سرغړونې له امله، پکتیا ولایت کې ۵ روغتیایي کتنځایونو د قانوني اسنادو نه درلودلو له امله وتړل شول او همدارنګه، هرات ولایت کې هم ۴۰ کیلو ګرامه له نېټې تېر او بې کیفیت خوراکي توکي راټول او د له منځه وړلو په موخه مرکزي ګدامونو ته ولېږدول شول.

د یادونې وړ ده، چې د یاد نظارت پر مهال اړوندو مسوولینو ته د کیفیت ښه والي او روغتیایي قوانینو مراعتولو په موخه لازمې سپارښتنې وشوې، چې د نه مراعتولو په صورت کې به له قانوني چلند سره مخ شي.