د EMR سافټویر د لا ښه والي او اغېزمن تطبیق په موخه د عامې روغتیا وزارت ناسته ترسره کړه
د عامې روغتیا وزارت د څارنې او پلټنې لوی رئیس ډاکټر عنایت الله عنایت د یاد وزارت د معلوماتي ټکنالوژۍ له رئیس انجنیر جاوید وفا سره د EMR Electronic Medical Record سافټویر د لومړنۍ نسخې د لا ښه والي او اغېزمن تطبیق په موخه ناسته ترسره کړه:
په دې ناسته کې چې د HMIS امر انجنیر میرویس رحیمي او تخنیکي ټیم شتون درلود، د EMR Electronic Medical Record سافټویر د لومړنۍ نسخې، چې د یوه خصوصي شرکت له لوري وړاندې شوې ده؛ تخنیکي او عملي اړخونه وارزول شول.
همدارنګه، د څارنې او پلټنې لوی رئیس ډاکټر عنایت الله عنایت او تخنیکي ټیم د یاد سافټویر د لا ښه والي، معیاري کېدو او اغېزمن تطبیق په موخه خپل نظرونه، تخنیکي سپارښتنې او رغنده وړاندېزونه شریک کړل.
