د پوهاند غضنفر روغتیايي علومو انسټېټیوټ رئیس، ډاکټر محمد قاسم عادل د فزیوتراپي ټولنې له مسؤلینو سره ناسته ترسره کړه
په یاده ناسته کې د پوهاند غضنفر روغتیايي علومو انسټیټیوټ رئیس، اړوندو مسؤلینو، د افغانستان د فزیوتراپي ټولنې رئیس ډاکټر راضي خان همدرد او د فزیوتراپي انسټېټیوټ یو شمېر نورو مسؤلینو ګډون درلود.
دغه ناسته چې موخه یې د همغږۍ پیاوړتیا او د فزیوتراپي مسلک د لا پرمختګ لپاره د مؤثرې همکارۍ رامنځته کول دي، په کې د پوهاند غضنفر روغتیايي علومو انسټېټیوټ رئیس ژمنه وکړه، چې په راتلونکي کې به د دې مسلک د لا پرمختګ لپاره خپلې همکارۍ ته دوام ورکوي.
د افغانستان د فزیوتراپي ټولنې رئیس د یاد انسټېټیوټ له دوامدارې همکارۍ څخه مننه وکړه او د فزیوتراپي د یو کلن پروګرام پراختیا یې د ګډې همکارۍ یو روښانه مثال یاد کړ.
