د پروان ولایت سیاه گرد ولسوالۍ سیدانو درې روغتیایي مرکز شل بسترونو ته ارتقاء وکړه
دغه اقدام وروسته له هغه ترسره شو، چې د پروان ولایت سیاه گرد ولسوالۍ د خیشکو درې ټولې مواصلاتي لارې د وروستیو واورو ورېدو له امله د تګ راتګ پرمخ تړل شوې وې، چې له امله یې ولسونه له بېلابېلو ستونزو سره مخ وو او د ناروغانو د لېږد برخه کې هم ستونزې موجودې وې، چې په دې اقدام سره به خلک به وکولای شي روغتیایي خدماتو ته اسانه لاسرسی ولري.
د يادونې وړ ده، چې د ژمي په دې سختو سړو ورځو شپو کې ټول روغتیایي مرکزونه او روغتیایي کارکوونکي هېوادوالو ته د خدمتونو وړاندې کولو بشپړه ژمنتیا لري او هڅه کوي، چې په هره سیمه کې د ناروغانو لپاره لازم روغتیایي خدمات پر ټاکلي وخت او اغېزمن ډول وړاندې کړي.
