د لوګر ولایت د عامې روغتیا ریاست په تالار کې د منظور شوي پلان پر بنسټ د نوي شوي ملي نظارتي چک لېست د څارنې او ارزونې درې ورځنی ټریننګ ترسره شو
یاد ټریننګ د څارنې او پلټنې او روغتیايي قوانینو د تطبیق او ارزونې مسؤلینو ته د نوي شوي ملي نظارتي چک لېست د پېژندنې او تطبیق په موخه ترسره شو، چې پر مهال یې د عامې روغتیا وزارت د نظارت رئيس ډاکټر کریم الله حلیمي، د لوګر د عامې روغتیا رئیس حافظ سعیدالرحمن قادري او یو شمېر نورو مسؤلینو هم ګډون درلود.
د عامې روغتیا وزارت د نظارت رئيس ملي نظارتي چک لېست د ګډونوالو لپاره ګټور او ارزښتمن وباله او د لازم تطبیق په موخه یې ورته اړینې سپارښتنې وکړې؛ ترڅو خلکو ته باکیفیته روغتیایي خدمتونه وړاندې شي.
