د لغمان روغتیایي علومو انسټیټیوټ سره د ۱۸۵٬۰۶۰ افغانیو په ارزښت د طبي او تدریسي توکو مرسته وشوه
یاده مرسته د عامې روغتیا وزارت د پوهاند غضنفر روغتیایي علومو انسټیټوټ له لوري وشوه، چې موخه یې د لغمان ولایت د نوي تأسیس شوي روغتیایي علومو انسټیټیوټ د زده کړو بهیر پیاوړتیا، د زده کړیالانو ظرفیت لوړول او د روغتیايي خدمتونو پراختیا ده.
د پوهاند غضنفر روغتیایي علومو انسټیټوټ رئیس، دوکتور محمد قاسم عادل، یاد توکي د زده کړو بهیر پیاوړتیا او د روغتیايي اسانتیاوو ښه والي لپاره مهم وبلل او زیاته یې کړه، دغه مرسته به د زده کړیالانو د علمي ظرفیت په لوړولو او د خدماتو پراختیا کې مهم رول ولوبوي.
