د عامې روغتیا وزیر، ښاغلي ډاکټر قلندر عباد په خپل کاري دفتر کې د (اسلامي همکاریو سازمان) مسئولینو سره ناسته ترسره کړه
په دې ناسته کې د بشري، کلتوري او ټولنیزو چارو لپاره د (اسلامي همکاریو سازمان ) د سر منشي مرستیال، او د افغانستان لپاره د دې سازمان سر منشي ځانګړي استازي ښاغلي طارق بخیت، د یاد سازمان د بشري حقونو د خپلواک کمېسیون اجرائیوي رئیس نوره الرشود، د ( OIC) غړو هېوادونو کې د ښځو د پراختیا سازمان (WDO) اجرايوي رئیس افنان الشعيبي د (OIC) د بشري حقونو د خپلواک کمیسیون د اجراییوي رئیس مرستیال ثقلين جاويد، د (OIC) د دفتر مشر محمد سعید العیاش، د سیاسي برخې مدیر سیف الله خان، مالي او اداري مدیر توفیق احمد ګډون کړی و.
د عامې روغتیا وزیر ښاغلي قلندر عباد د اسلامي همکاریو سازمان مسئولینو ته د ښه راغلاست تر څنګ د روغتیا برخه کې د اسلامي همکاریو سازمان په ملاتړ او همکارۍ ټینګار وکړ او هم یې یاد پلاوي ته افغانستان کې د روغتیايي وضعیت په تړاو معلومات ورکړل.
ورته وخت کې د اسلامي همکاریو سرمنشي څرګنده کړه چې افغانستان کې روغتیا برخه کې همکاریو ته اماده يو او یادونه یې وکړه چې د روغتیايي ځالو ملاتړ، تغذيې او نورو برخو کې همکاري ترسره کول یې لومړیتوبونه دي.