د عامې روغتیا وزير، ښاغلي مولوي نور جلال جلالي او مل پلاوي کندهار ولايت ته د سفر په ترڅ کې د معروف ولسوالۍ جوړېدونکي عمومي روغتون له چارو لیدنه وکړه
په دې ليدنه کې د عامې روغتیا وزير، د معروف ولسوالۍ جوړېدونکي روغتون له چارو څخه د ليدنې تر څنګ اړوندو مسؤلينو ته سپارښتنه وکړه، چې ياد روغتون د عامې روغتيا وزارت سره د شوې هوکړې پر اساس په ټاکلي وخت او معياري توګه جوړ کړي.
همدارنګه ښاغلي وزير زياته کړه، د دې روغتون په جوړېدو سره به د یادې ولسوالۍ اوسېدونکو ته ګڼې روغتیايي اسانتياوې رامنځته او له لازمو اساسي او تخصصي خدماتو څخه به برخمن شي.
