د عامې روغتیا وزارت له لوري د ۱۴۰۴ لمریز کال د اکمال تخصص پروګرام د ټریني ډاکټرانو ارتقایي ازموینې اخیستنې په موخه ناسته ترسره شوه
دغه ناسته چې د اکمال تخصص لوی ریاست مسؤلینو، د مرکزي روغتونونو شفانو او استادانو په شتون کې ترسره شوه، په کې د ازموینې شفاف او معیاري ترسره کېدل، د مکتوب له مخې د سوالونو په بهیر کې د استادانو ګډون او قرنتین، د ارزونې مېتودونه او د ټریني ډاکټرانو د علمي کچې لوړولو اړوند مهم موضوعات وڅېړل شول.
همدارنګه، ګډونوالو د ازموینې تنظیم، نظارت او د پایلو عادلانه اعلان په اړه خپل ارزښتمن نظرونه شریک کړل؛ څو یاد بهیر په منظم او اغېزمن ډول پرمخ ولاړ شي.
د عامې روغتیا وزارت مسؤلینو ټینګار وکړ، چې د دې ډول ازموینو ترسره کول د هېواد د روغتیايي سکتور پیاوړتیا او د متخصصو ډاکټرانو روزنې برخه کې مهم رول لري.
