د عامې روغتیا وزارت د روغتیایي خدمتونو وړاندې کولو مرستیال، ښاغلي مولوی عبدالولی حقانی ننګرهار ولایت ته د سفر په ترڅ کې د روغتيا نړيوال سازمان له استازو سره لیدنه وکړه
د یادې لیدنې موخه د درملو د هغو مرستو ارزونه ده، چې د روغتيا نړيوال سازمان يې د زلزله ځپلو لپاره برابرول غواړي، په دې ليدنه کې ښاغلي مولوي عبدالولي حقاني او مل تخنیکي ټیم د روغتونونو او روغتيايي مرکزونو لپاره د اړینو درملو لېست ترتیب او د نړيوال روغتيايي سازمان له استازو سره شريک کړ؛ تر څو په روغتونونو او روغتیایي مرکزونو کې د زلزله ځپلو لپاره د اړینو درملو اړتیاوې پوره او د درملو د کمښت ستونزې پېښې نه شي.
همداراز، د روغتیایي خدمتونو وړاندې کولو مرستیال د روغتیا نړيوال سازمان له استازو څخه د دوامدارو همکاريو له امله مننه وکړه.
