د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني او مل پلاوي په کابل کې د برچي ۱۰۰ بستریز روغتون څخه لیدنه وکړه
د دې لیدنې په ترڅ کې د روغتیايي خدمتونو وړاندې کولو مرستیال د یاد روغتون بېلابېلې څانګې وکتلې، د روغتیايي خدمتونو وړاندې کولو بهیر، د ناروغانو د درملنې وضعیت، د درملو او طبي تجهیزاتو موجودیت، د روغتون د کاري چارو، د روغتیايي کارکوونکو د شتون، حاضرۍ او دندو د اجراآتو ارزونه یې تر سره او ټینګار یې وکړ، چې روغتیايي خدمتونه باید د مسلکي معیارونو په پام کې نیولو سره وړاندې شي.
همداراز، ښاغلي مرستیال روغتیايي کارکوونکو ته لازمې سپارښتنې وکړې، چې ناروغانو ته دې روغتیايي خدمتونه په غوره کیفیت، مسلکي اصولو او اسلامي اخلاقو وړاندې کړي، له ناروغانو سره دې ښه چلند تر سره او خپلې دندې دې په صداقت، امانتدارۍ او بشپړ مسئولیت ترسره کړي.
