د خصوصي سکټور د تنظیم او همغږۍ ریاست او کمال تخصصي ارتوپيدي روغتون ترمنځ د همکارۍ هوکړه لیک لاسلیک شو
د روغتیایي سکټور کارکوونکو تر منځ د دوه اړخیزې همکارۍ پراخولو او د کیفیت لرونکو روغتیایي خدماتو وړاندې کولو په موخه د عامې روغتیا وزارت د خصوصي سکټور د تنظیم او همغږۍ ریاست او کمال تخصصي ارتوپيدي روغتون ترمنځ هوکړه لیک لاسلیک شو.
دا هوکړه لیک د خصوصي سکټور د تنظیم او همغږۍ رئیس، ډاکټر احمد خندان او په کابل کې د کمال تخصصي ارتوپيدي روغتون د استازي لخوا لاسلیک شو.
د دې هوکړه لیک پر بنسټ، ټول امارتي ټول کارکوونکي، د دوی د کورنۍ غړي او هغه محصلین چې د خصوصي سکټور د تنظیم او همغږۍ ریاست له لارې کمال روغتون ته معرفي کېږي، کولای شي د دې روغتون تشخیصيه او درملنې خدماتو کې له 40 سلنې تخفیف څخه برخمن شي.
د خصوصي سکټور د تنظیم او همغږۍ ریاست مسؤلینو په دې همکارۍ خوښي څرګنده کړه او ټینګار یې وکړ، چې له نورو روغتیایي مرکزونو او خصوصي سکټور سره د ورته همکارۍ پراخولو هڅې به دوام ولري.
