د افغانستان ا.ا. د عامې روغتیا وزیر، ښاغلي مولوي نور جلال جلالي او مل پلاوي کونړ ولایت ته د سفر په ترڅ کې له قومي مخورو سره لیدنه وکړه
په دې لیدنه کې چې د عامې روغتيا وزارت د مقام د دفتر لوی رئيس، الحاج شيخ محمد طاهر حليم، د کونړ د عامې روغتيا رئيس قاري مظفر خان مخلص او يو شمېر نورو مسؤلينو شتون درلود، قومي مشرانو د عامې روغتیا وزارت د رهبرۍ د راتګ هر کلی وکړ او روغتيا برخه کې يې په شویو پرمختګونو خوښي څرګنده کړه.
هغوی همداراز، د روغتيايي خدمتونو د لا پياوړتيا په موخه خپلې غوښتنې او وړانديزونه شريک کړل.
د عامې روغتیا وزیر، ښاغلي مولوي نور جلال جلالي د قومي مشرانو غوښتنې واورېدې او د اړوندو موضوعاتو په اړه یې د لازمې پاملرنې ډاډ ورکړ.
