د اکمال تخصص لوی ریاست د ازموینو لپاره د MCQS معیاري پوښتنو جوړولو په اړه ورکشاپ ترسره شو
دا یو ورځنی روزنیز ورکشاپ د ډاکټر سهیلا صدیق په تالار کې د مسلکي ازموینو کمېټو ښوونکو لپاره د MCQS پوښتنو چمتو کولو په موخه ترسره شو.
د دې ورکشاپ بنسټیزه موخه د معلوماتو شریکول او د MCQS پوښتنو په معیاري ډول چمتو کولو په اړه د ښوونکو د ظرفیت لوړول وو، چې ښوونکي وکولای شي د اکمال تخصص پروګرام ازموینو لپاره د پوښتنو چمتو کولو کې له هغې څخه کار واخلي، تر څو ازموینې په معیاري ډول ترسره شي.
په دې ورکشاپ کې د عامې روغتیا وزارت د تخصصي روغتونونو، نظامي روغتونونو او د مؤسسو اړوند روغتونونو ښوونکو ګډون کړی و.
د اکمال تخصص لوی ریاست تل هڅه کړې، چې د ډاکټرانو او ټرینرانو د ظرفیت لوړولو په موخه د تخصصي برنامې د بډایه کولو لپاره علمي معیارونه د اکمال تخصص برنامې له ښوونکو سره شریک کړي.
